Monday, July 29, 2013

ഒരു വനമുണ്ടെൻറെയുള്ളിൽ.


ഒരു വനമുണ്ടെൻറെയുള്ളിൽ.

ഈ നിമിഷത്തിൽ കുരുത്തത് മുതൽ വർഷങ്ങൾ പിന്നിട്ട ആൽമരങ്ങൾ വരെ ഉൾപെടും .

ഒരു വനമുണ്ടെൻറെയുള്ളിൽ.

അതെ, പറയാൻ മറന്നു .

അവയുടെ എല്ലാം വേരുകൾ മുകളിലേക്കാണ്. നീലാകാശത്തിലെക്ക്, വേരുകൾ പടരുന്നവ .
അതിലൂടെ ,വെയിൽകതിരുകൾ തിന്നു കൊണ്ട് ചില്ലകൾ  താഴോട്ടു വളരുന്നു.
കാർമേഘങ്ങളിൽ നിന്നും ഭൂമിയിലെത്തും മുൻപേ , ജലത്തുള്ളികൾ ശേഖരിയ്ക്കുന്ന വേരുകൾ.
കഴിഞ്ഞു പോയ ദിവസങ്ങളുടെ കർമഫലങ്ങളാൽ തടിച്ച ചില വേരുകൾ .
 കാലത്തിനെതിരെ പായുന്ന കുതിരകളുടെ കൊമ്പ് കണ്ടെത്താൻ പരതുന്ന ചില നേർത്ത വേരുകൾ


ഒരു വനമുണ്ടെൻറെയുള്ളിൽ.


താഴേക്ക്  പടരുന്ന ചില്ലകളും മുകളിലേക്ക് പോകുന്ന വേരുകളും ഉള്ള മരങ്ങൾ നിറഞ്ഞ വനം . 

Thursday, July 25, 2013

ജനനത്തിനും മരണത്തിനും ഇടയിൽ ഓർത്തുവെയ്ക്കാൻ ചിലത്.

സെമിത്തെരികളിൽ പോകുമ്പോൾ അവിടെയുള്ള വിവിധ വില നിലവാരത്തിലുള്ള കല്ലുകളിൽ കൊത്തി  വെച്ച പേരുകളും തിയ്യതികളും കൌതുകത്തോടെ നോക്കാറുണ്ട്. ജനന തിയ്യതിയുടെയും മരണതിയ്യതിയുടെയും ഇടയിൽ ചിലപ്പോൾ  ഒരു വര കാണാം അല്ലെങ്കിൽ ഇത്തിരി സ്പേസ് .ആലോചിക്കാറുണ്ട് ആ സ്പേസ് ആണ്  അല്ലെങ്കിൽ  ആ നേർത്ത  വരയാണ് ജീവിതം എന്ന്. അത് മാർബിളിൽ കൊത്തിയ ഫലകമായാലും സാധാരണ കല്ലിൽ കൊത്തിയാലും... അരുണ്‍ കുമാർ പൂക്കോം ന്റെ കവിത സമാഹാരത്തിന്റെ പേര് , ജനനത്തിനും മരണത്തിനും ഇടയിൽ ഓർത്തുവെയ്ക്കാൻ ചിലത്,  വായിച്ചപ്പോൾ ആ സ്പേസ് / വര ഓര്മ വന്നു .

ഈ കവിതകളിൽ  ജീവിതത്തിന്റെ നിരവധി ഘട്ടങ്ങളുണ്ട് ... ഒരു പക്ഷെ കവി കടന്നു പോയ കാലഘട്ടങ്ങൾ / അനുഭവങ്ങൾ ? അറിയില്ല... ഒരു പക്ഷെ അറിയേണ്ടതും ഇല്ല. ഓർത്തു വെയ്ക്കാൻ ചിലത് ഈ കവിതകൾ നല്കുന്നുണ്ട് . ഇനിയും നല്ല കവിതകൾ കവിയിൽ നിന്നും പ്രതീക്ഷിക്കാമെന്നും...

ആരുമറിയാതെ പോകുന്ന തലചുറ്റി തളര്ന്നു പോകുന്ന പമ്പരങ്ങൾ, കുഞ്ഞുന്നാളുകളിൽ ആഞ്ഞു വീശിയ ചുഴലിക്കാറ്റിൽ ചരട് പൊട്ടിയ പട്ടം, പിന്നോക്കം പോയി കണ്ടെടുക്കുന്ന കിട്ടിയ തല്ലുകൾ  പോലുള്ള ഉപമകൾ ബാല്യ കാലത്തെ കുറിച്ചുള്ള / കഴിഞ്ഞു / കൊഴിഞ്ഞു പോയ കാലത്തെ കുറിച്ചുള്ള ഓര്മകളിലേക്ക്  കൂട്ടി കൊണ്ട് പോകുന്നുണ്ട് .

ഇക്കണ്ടൻ പോത്തപ്പൻ , പേടിക്കൊടലൻ , ഒരു പിടയും തിരിഞ്ഞു നോക്കാത്ത അശക്തനായ പൂവ്വൻ   എന്നിവരുടെ പ്രണയവും , ഒരാൾ  മാത്രം തന്നെ കാണാതെ പോകുന്നതിനെ കുറിച്ചുള്ള സങ്കടങ്ങളും കവിതകളിൽ നിറയുന്നുണ്ട്.

കുത്തി നോവിച്ച് 
കൂട്ടിചേർത്തതിൽ
മനമുരുകി തുരുമ്പെടുപ്പൂ 
കടലാസുകളിൽ 
കാലങ്ങൾക്കിപ്പുറം 
മൊട്ടുസൂചി 

അത് പോലെ പല കവിതകളും  നിസ്സഹായതയും ഉള്വലിയലും സ്വയം പഴികളും അശാന്തിയും  പകര്ത്തുകയും  കരഞ്ഞു കൊണ്ടേ ഇരിക്കുകയും അതെ സമയം പ്രത്യാശ കൈവിടാതിരിക്കുകയും ചെയ്യുന്നുണ്ട്. 

വ്യക്തിപരമായി ഈ കവിതാ സമാഹാരത്തിൽ ഏറ്റവും ഇഷ്ടമായത് 'അയല്പക്കം' എന്ന കവിതയാണ് 

അവന്  അവനെതന്നെ നഷ്ടപെട്ടിരുന്ന കാലത്ത് അവനു കൂട്ടിരുന്ന ആ പെണ്‍കുട്ടിക്ക് സ്നേഹാന്വേഷണങ്ങൾ പറയാതെ ഈ കുറിപ്പ് പൂർണമാവുന്നതെങ്ങിനെ ?  കാരണം ഈ കവിതാ  സമാഹാരം സമർപ്പിച്ചിട്ടുള്ളത്  തന്നെ അവൾക്കാണ് . 

പവിത്രൻ തീക്കൂനി അവതാരികയിൽ ഏഴുതിയ പോലെ ഇനിയും നല്ല കവിതകൾക്ക്  പിറവി കൊടുക്കുമെന്ന് തന്നെ ഉറച്ചു വിശ്വസിച്ചു കൊണ്ട് ...

Wednesday, June 26, 2013

ചില ക്ലീഷേ വർത്തമാനങ്ങൾ (Urban Stories -1)

ജോണും സ്നേഹയും
------------------------------

"അല്ലെങ്കിലും നിങ്ങള്ക്കിപ്പോ . എപ്പോഴും ഓഫീസ്  ഓഫീസ്  എന്നാ ഒരു വിചാരം മാത്രം."

"എനിക്ക്  അത്രയും ജോലി ഉണ്ട് സ്നേഹാ ... കടങ്ങൾ ഒക്കെ വീട്ടണ്ടേ ? പുതിയ കാർ  മേടിക്കെണ്ടേ ? ഫ്ലാറ്റ് ന്റെ അടവ് അടച്ചു തീര്ക്കണ്ടേ ? അതിനു പിന്നെ പണികൾ തീര്ക്കണ്ടേ ... എല്ലാം കൂടെ ഞാൻ ഒരാള് ഉണ്ട്. "

"എന്നോട് സ്നേഹത്തോടെ ഒരു വാക്ക് പറയാൻ പോലും നിങ്ങള്ക്കിപ്പോ  സമയമില്ല . "

"പറ , നീ എന്നെ ഇന്ന് എത്ര പ്രാവശ്യം ഫോണ്‍ ചെയ്തു ? അഞ്ച്  ? ആറ് ? എന്നിട്ടും ഞാൻ എടുത്തില്ലേ ? നിന്നോട് സംസാരിച്ചില്ലേ ? ഇനി കൂടുതൽ  എന്ത് പറയാൻ ആണ് ? "

"എന്നോട് യാതൊരു താല്പര്യവുമില്ല . പ്രത്യേകിച്ച് നമ്മടെ മോൾ ഉണ്ടായതിനു ശേഷം  . എന്നെ മടുത്തോ ...? "

"Fuck....  ഇപ്പൊ വീട്ടില് വരുന്നതെ ഇഷ്ടമില്ല എന്നായി തുടങ്ങിയിരിക്കുന്നു ... ഓഫീസ്ൽ വർക്ക്‌ ന്റെ പ്രഷർ ഇവിടെ നിന്റെ വക . Am really fed up "

-------------------------------------------------------------------------------------------------------------------------------    

അരുണ്‍ഉം അതിഥിയും


"എന്താ മേഡം  ഇപ്പോഴെങ്കിലും വീട്ടില് വരാൻ തോന്നിയോ ? "

"വർക്ക്‌ ഉണ്ടായിരുന്നു അരുണ്‍ ."

"അത് നിന്റെ ഫേസ് ബുക്ക്‌ ഫോട്ടോസ് കണ്ടപ്പോ മനസിലായി . തൊലി വെളുത്ത സായിപ്പിന്റെ കൂടെ നിന്റെ പറ്റി  ചേര്ന്നുള്ള  ഇരിപ്പും ..."

"അരുണ്‍ വീണ്ടും തുടങ്ങരുത് ... അയാള് എന്റെ ക്ലയന്റ് ആണ് . "

"നമ്മൾ ഇത്തിരി നിറം കുറവാണെ "

"its your complex.  കള്ളും  കുടിച്ചു ഓരോന്ന് തുടങ്ങും "

"ആടീ...  ഞാൻ പറയുമ്പോ കോമ്പ്ലെക്സ് . നിനക്ക് കാണിക്കാം അല്ലെ... കണ്ടവന്റെ കൂടെ ഒക്കെ നടന്നു വൈകുന്നേരം ഇങ്ങു പോരും ."

---------------- --------------------- --------------------------- ---------------------------------


ജോണും സ്നേഹയും




--------------------------------

അരുണ്‍ഉം അതിഥിയും





--------------------------------

ജോണും അതിഥിയും

Hey john, ഇന്നെന്താ നേരത്തെ ഇറങ്ങുകയാണോ ? Anything special?

അതെ ... special  ഒന്നൂല

എന്ത് പറ്റീ  ? ആകെ ഒരു മൂഡ് ഔട്ട്‌ ?

ചുമ്മാ ഒരു ഡ്രൈവ് ... ഒറ്റക്കിരുന്ന്  ഒരു ബിയർ ...  അത്രേ ഉള്ളൂ പ്ലാൻ .

ഹ്മം ... ഒരു സുഖമില്ല ... വിരോധമില്ലെങ്കിൽ  ഞാനും വരാം .

ഹോ sure...

------------------ --------------------------- -------------------------- ---------------------------

ജോണും സ്നേഹയും


ഹോ ... ഇന്ന് നേരത്ത് വന്നോ ? പതിവില്ലാതെ ....

സ്നേഹാ.... പുഞ്ചിരി ... മോളെവിടെ  ....









---------------------- -------------------------         ---------------------------------------------

അരുണ്‍ഉം അതിഥിയും








waw... its surprise athithi.... I like this shirt..


പുഞ്ചിരി

---------- -------------------------------- ------------------------------------- --------------------------------





മനസ്സില് സൂക്ഷിച്ച രസമുള്ള സ്വകാര്യങ്ങൾ  :

 ( കാച്ചിയ എണ്ണ  തേച്ച മുടിയുടെ മണം  മെല്ലെ എവിടെയോ കുറച്ചു നേരം പിടികിട്ടാതെ  പോകുന്നു . പകരം പരാതി കൂമ്പാരങ്ങൾ ഇല്ലാത്ത പുതിയ ഏതോ ലേഡീസ് ഡിയോ യുടെ  കടുപ്പമേറിയ  മണം : John

അപകര്ഷതാ ബോധങ്ങൾ  ഭരിക്കുന്ന മനസ്സിന്റെ ആക്രമിച്ചു കീഴ്പെടുതലിന്റെതല്ലാത്ത ചില മെയ്യനക്കങ്ങൾ : Athidhi )